Anchikurita ka erotakunskua pirericheri

Anchikurita pirericheri jindesti ma tanjurhikua enha uandakurikuani ka erotakunskuani eranjueran jaka juchari pirekuerini ambe, nanine jimbo nieraski arhinani Patrimonio cultural Inmaterial de la Humanidad enha mitikatekatu eshika UNESCO.

Tanguarikuechani pimarpishti ima kunjuarhikua arhikata kuskakua unsti enha jamkaxi kustaticha, pirhericha ka kuskakua unsticha, enhaxi eiampin japka eshika juchari pirekua nierapka jima UNESCO, tangurhikuecharhu erotakunashpti nanine xanatanapirini kan echa orhetshikuxapi inden juchari pirekuani jimbokashka jimini pirhekuarhu jarhaska juchari uandakua, juchari janjua ka juchari irekurhikua ambe.

Jimakan enha na mitikuaripka eshika pirekua karanarhiku naspka jini UNESCO, kutshi noviembre, ium irepita ka tembeni uexurhin jimbo juramuticha no uandantashptixi ambemaka ukuarin japka juchari pirekuan jingoni, ishi jimbo kunguarhikua kuskakua unsti iman kutshi febrero, makun ueshurhin jimbo pimarpishpti iamindu pirerichani,kustatichan ka kustakua unstichani parhi eianjuani nanine erotakun japirhinxi, jimboka no ne kurhamukunashpti ka no ne mithishpti eska pirekua kanikua jukaparakuespka jiniani kerati iretecharhu.

Tanjuarhikuecharhu uandanashpti ambe unapirhini tatshekua eshkakshi na mitepka eshikapirekua karanarhiku nashpka jini UNESCO, iman tanjuarhi kuecharhu jarashptixi kustaticha,pirericha juramuticha ka kuirhipu mamarhu ixi iretecharhu anapuecha, jima uandanashpti andixi juramuticha no kuramukpipi iamindu iretechani ka neni o nechani jaruan japirhini inde anchikuritecha enja juramuticha uekan jaka onarhini ka tumina ambe andan jarhan juchari janjuechani jingon .

Tanguarhikuarhu uandanashti eshika andaperakuecha enha ukuarikashi iretecharhu no jarhuashinga uinaperantan juchari janjuechani, uandanashpti eshika jini iman iretarhu zacan enha ukuarikakxi andaperakucha:

  • Eshika andaperakuecha kunjuarhikuecheri no sesi jarhaska jimboka jima jukarhaska mamarhu jaxi jatanikuecha mitshitarhu ixi uerhatini ka eshika jarhanjutashinga kuiripuechani jimboka kamberana shindi andaperakue kanani ma tumina.
  • Erhipikua kunjuarhikue cheri no sesi eruaxindixi, jimboka no jarhashindi tiriekua ambe ka ishi jarhashindixi erokuarhini churinani jamberhika eshika markuskakxi kunguarhikuecha enhaxi kustaka enha jauaka juramuticha ka eshika jini kuistanashin kakxi kumanchikua jorenjua rikuarhu ishi no mambe ma karon jingon ka no mambe tiriekua ambe jingon.
  • Tumina ambe itshperakua no sesi erotakunashindi jimboka tshima enjakxi eranjueran jarhaka kuskakua ambe no poreshindishi ka marhuxi no mitishindi kuska kuerhi ambe ka tshima intshinan jarhan enhaxi tshima uekoka.

Ishi jimbo uandanietesti chunjutaman ka mitin jarhan nanine xanatan jauaxi ima juramuticha enhaxi arhinaka Secretaría de Turismo ka nanine uandantan jauaxi jini UNESCO.