Ima kunguarikua arhikata Convención Internacional para la Salvaguardia del Patrimonio Cultural Inmaterial uenakurhipti jimakani iman uexurhin jimbo ium irepita ka tanim kuentuni jamani iman kunguarikuan jimbo Organización de las Naciones Unidas para la Educación, la Ciencia y la Cultura (UNESCO) ka uenakurhisti anchikuaritecha jimakani kitshi abrilini ium erepita ka kuim uexurin jimbo.
Keri ireta México jindesti enha xanataka ukuechani ka anchikuaritechani. Kunjuarikua mitikateka eshika Convención ium irepita ka tanimu uexurin jinbo anapu uandasti eshika kuachakukua jindepiringa ari iun tshiman janjuecha iretecheri:
- Kuinchikuecha no utushi uandaricheri enha jindeka ketshitakua. (2008)
- Eratshikuecha ka janjuecha otomí-chichimecas jini anapuecha Tolimán, uka kumanchikua iontki anapuecha (2009)
- Ukuecha ka eratshikuecha iontki anapuecha (2009)
- Tiriekuecha juchari iretecharhu ixi anapuecha ka juchari janjuecha (2010)
- Juchari pirekua, p’urhecheri (2010)
- Parachicos kuinchikuaru jimbo iman kutshi enero jini Chiapa de Corzo (2010)
- Kustakua mitikata eshika mariachi (2011)
Iamindu ari karakatecha jarastishi jini enha arinaka eshika, Centro de las Artes Indígenas “Xtaxkgakget Makgkaxtlawana” enha ukuarika pari kuapini iman iretani totonaca jini Veracruz anapuni, iman ueshirhin jimbo ium irepita ka tembeni tshiman kuentuni. Uetarhishindi erotakuni eshika juchari keri ireta México no jatshika materhu ukua enha uandaka materhu anchikuaritechani enhaxi tshinchinjaka ka kamakuarhin jakakshi,jimbo uanestishi enhaxi jimeshi nitaman jaka.
Iamindu arhin anchikuretechan jimbo, México jindesti enha sanderhu uani anchikuritechani xanatan jaka jima enha arinaka UNESCO. Jimboshi uetarhiti kurama rikurini: ambeshki arhi anchikuritecha juchari iretecharu ixi ueratini, Jarhuaxaki kuiripuni enha uetarika, Xanatanaxaki jurinbikuarhixi ka xaratanaxaki juchari iretshikuecharhu ixi, jimboka iman anchitakuan jimbo enha arinaka pirekua jarhashpti mamarhu uandakuecha jimboka no kuramukunashpti porhecha kushkakua unshicha jini ueratini keri iretaru ka markukshi oretshikuspti inden anchikuarhitani ka ishi no jananarhiani juchari janjuechani ka ukuechani.
Ishu ueratini uekashinkakshi eiampini ka uandoskuarini ka erotakuntani iman anchikuritani enha arinaka patrimonialización de la pirekua por la UNESCO jimboka uetarhishindi mitin ka eshika jucha p’urhécha ka no juchari uandaricha erotakuntaka ka janjuariakashi mitin ka kuapin jaran juchari janjuechani ka ukuechani ini juchari iretshikuarhu enhakshini juchari iontki anapuecha jurakuchika.