Pirekua UNESCOLU: nanina nierask ikaranalikunan jima enha arhinaka Patrimonio Cultural Inmaterial de la Humanidad

Kutshi noviembre jimbo iumu irépita ka tembeni ueshurhini, pirekua nierasti jima enha arhinaka “Patrimonio Cultural Inmaterial de la Humanidad” UNESCOLU. Ishi karanalikunaxapti enha juramun japka Leonel Godoy ima kunjuarhikualu (PRD) ka ima kunjuarhikua enha mitikateka esïka Secretaria de Turismo.

Uandakuecha juramuticheri enhaxi oretshikutika, ka eratshiticha purhepechecha uandasptishi esïka sesi jarhaska inde eratshi kuaambe, joperhu pirericha, kustati unsticha ka iamindu porecha uandashindi esïka none kurhamalinaspka uekashembishi esïka pirhekua karhanalikunapinga jima enha arhina ka UNESCO.

Auandonskurhitalu enha ukurhipka iumu irépita ka tanimu ueshirhini jimbo, UNESCOLU, uandanaspti esïka irhietechaxi jaka parí eranguerani ka untan iamindu ukuechan ka janguechani enhaxi axanan jauakaxi jini UNESCOLU ka karan jarhan nanina kuapen ka no jurakutan juchari janguechani. Joperhi nakirhu uandanaka mamarhu ambe juramuticha noxi kuramukusti kuiripuni porheni ka ni kustatichanika ni pirerichani. Ima takukukata enha axanapka UNESCOLU tshima kuxi jatshinalikunjapti enhaxi oretshikuka andaperakuani pirherichericha ni ka kustaticherini ka uarharicherichani jini tshekan anapuecha ka ima kunjuarhikuecha enha arhika tekakshi, Erandi, dueto Zacán, Tumbiecha ka P’urhembe.

Jurhamuticha uandaxintishi esïka porecha jamaxaka ka orhetshikuxakaxi kuachakun juchari kuskakuani ka esïka porhecha eratshishaka nanina xanatan jarhan mamarhu ukuechan ka januechani. Ixi jimboxi uetaliti esïka mitikurhieka nanimanga na xanatanjaka jurhamuticha jucharhi janjuechani ka kuskakua ambe parhixi jingonku jarhani juchari eratshikuechan ka esïka tshini no chuanderachinjauaka.

Pirekua nierasti karhanalikunani jima enha arhinaka, Patrimonio Cultural Inmaterial de la Humanidad ka notshin kurhamukusti.