Pirekua ixi eratakata eska jindeni tumina ukua

Uenakua ka eratshikua ima Secretaria de Turismo enha pirekuani paka jini UNESCO, jimakani enha juramun japka Leonel Godoy, uenahasti xanatanani uapurhu keri iretecharu ixi.

Ima Secretaria de Turismo eratshikua ma usti enha uandaka nani na xanatani ka xalatan jaran pirekuani ka jimakan ueratin uerasti mamarhu uandakuecha ka karakatecha enhaxi uandaka pirekueri ambe, eshika ima kunjuarhikua karari enha arikateka Mexico Desconocido, enha uandanjapka juchari tirekueri ka pirekueri ambe, ka enha ixi mitikateka eshik Delicias de la Ruta Don Vasco, iamindu uandakua ka karakata enha jima jukanarika karasti, Néstor Dimas.

México Desconocido, jindesti kunjuarikua karari enha sanderhu pianhaka in juchari iretshikuan jimbo, ixi jimboxi kan tumina piran jaran enha juchari janjuechan ambe karan jaraka ka uandanda jaraka ka noshka ambe kuanaskun jarhan juchari pirerichani ka kuskakua unshichani iretecharu ixi anapuechani.

Secretaria de Turismo xanataxati ma anchikurita enha arikateka Ruta Don Vasco, enha jima jaka mamaru iretecha juchari tamu arhukukatecharhu ixi anapuekakshi, jima xaratanaxindi juchari kuinchikuecha, ukukuecha, janjuecha, kuskakua ka tirekua ambe, enha no pore uandaricha exen jauka, jimatu jarasti ima ireta Zacan enha mitikateka eshika jima ukuarin jarashinga andaperakua juchari janjuecheri ka kuskakeri ambe ka jarastitu ima ireta Urhupan enha ukuarika andaperakua ukukueri ambe, jima jarasti materhu iretecha enha ukuarika ketshitakua juchari uarhirhicheri ambe.

Jarhasti exekuecha enhaxi mitin jaraka pirekueri ambe jima utuxi jimbo arikateka, sitio web www.visitmichoacan.com.mx jimin jarasti exekuecha ka mamarhu juchari janjuecha, ukecha ka kuskakuecha jima jarastitu jini Zacan anapu ambe ka iamindu ima karakata ka uandakuecha enhaxi jatshinari kuka jini Zacan anapuecha juchari pirekerin ambe.

Jima ueraxindi sesi jaxi ambe joperu no xalatanaxindi jucharhi no jatshikuarikua ambe ka no xaratanaxindi materu kuskakuecha enha juchari kuskakua unshicha uantan jaka ka imaku mitikateni kuskakua Tshitshiki urapiti ka Josefinita.

I anchikurita uertarixindi tumina ambe ka istushka jurakun jarashindi tumina ka tshimaku marotan jaraxindi kerati juramuticha ka enhaxi sanderhu jatshikulirika ka mamarhu kuiripu no porhe uandaricha.