Anchikurhita jindesti ma erotakunskua enha unadaka xanatakuani, ka nani ne anchitanha juchari pirekua enha nieraka jima enha arhinaka, patrimonio cultural inmaterial de la humanidad (UNESCO), arhini erotakukuan oretshikushindi Dra. B. Georgina Flores Mercado enha jima anchikuarhika, Instituto de Investigaciones Sociales de la UNAM (PAPIIT IN301014).
Karakata aiampikua jindesti uandakua ka erotakuskua imecheri, kustaticheri, kuskakua ushicheri ka pirericheri juchari iretecharhu ixi anapuecha, ka materhu shirandecha ka takukukatecha enha jindekaxi jini ueratin enha jakashi keri iretarhu mexico ka juramukua kumanchikuarhu ueratini (UNESCO).
Uetarishindi eshika juramuticha mitiaka juchari uandanietechani ka juchari janjuechani ka ukuechani, jinboka tshima no mitin jarashindi, ambe ukuarhin jarhaxini ka nani ne xanatan jarhaxin juchakshi, juchari ambe, ixi jimboxi arhi karakatan jingon uekakaxi aundakuarhin ka allampin mamarhu ukuechani ka uandanietechani juchari pirekuerin ka kuskakueri ambe.